Pyetje të shpeshta

Varet nga qyteti (sa i ftohtë është dimri dhe sa e nxehtë vera), sipërfaqja, lartësia e tavanit dhe sa mure të jashtme ka ambienti. Kalkulatori llogarit veçmas verën dhe dimrin dhe jep madhësinë që mbulon të dyja; ustai e konfirmon pasi sheh ambientin. Llogaritni BTU-të me kalkulatorin →

Shkaqet më të shpeshta janë tubi i kondensatës pa pjerrësi të mjaftueshme ose i bllokuar, filtrat shumë të ndotur ose njësia e montuar jo në nivel. Mos e lini pa kontroll: uji dëmton murin dhe pajisjet elektrike.

Filtrat e njësisë së brendshme mund t’i pastroni vetë çdo disa javë kur aparati punon shpesh. Pastrimi i plotë i baterive, ventilatorit dhe kondensatës bëhet nga ustai të paktën një herë në vit, mirë është para sezonit.

Kondicionerët inverter ngrohin si pompë nxehtësie dhe zakonisht harxhojnë më pak energji se ngrohësit me rezistencë elektrike. Në zona shumë të ftohta ka rëndësi modeli dhe fuqia në temperatura të ulëta; ustai ju këshillon sipas rastit.

Po, në shumicën e rasteve. Para montimit kontrollojmë që fuqia e aparatit t’i përshtatet ambientit dhe që të gjitha pjesët të jenë të plota.

Në një vend me ajrim të mirë, të qëndrueshëm dhe të arritshëm për servis, sa më afër njësisë së brendshme. Pozicionin e zgjedhim bashkë para se të fillojë puna.

Multi-split kërkon vetëm një njësi të jashtme dhe e mban fasadën të pastër. Disa split të veçantë janë më të pavarur: nëse njëri prishet, të tjerët punojnë. Ustai ju këshillon sipas ambienteve dhe buxhetit.

Vetëm nëse njësia e jashtme ka dalje dhe fuqi të lirë. Prandaj ia vlen ta planifikoni që në fillim, edhe nëse kokën e fundit e montoni më vonë.

VRF mban shumë më tepër njësi të brendshme dhe linja më të gjata, dhe e rregullon fuqinë vazhdimisht sipas kërkesës. Është ndërtuar për ndërtesa të mëdha dhe punë të gjatë çdo ditë.

Shënoni kodin dhe modelin e aparatit, fikeni nga siguresa për disa minuta dhe ndizeni sërish. Nëse kodi rishfaqet, na dërgoni një foto në WhatsApp.

Varet nga defekti dhe gjendja e aparatit. Pas diagnostikimit ju themi sinqerisht nëse ia vlen riparimi apo zëvendësimi.

Në një sistem pa rrjedhje, kurrë. Nëse aparati ka nevojë për gaz çdo vit, ka një rrjedhje që duhet gjetur dhe riparuar.

Shenjat më të shpeshta janë ajri jo mjaftueshëm i ftohtë, akulli në tubat e njësisë së jashtme dhe aparati që punon pa pushim. Diagnostikimi me matje e konfirmon.

Ndonjëherë po, por shpesh linja e re ka gjatësi tjetër dhe lidhjet e vjetra janë të lodhura. Tubat e rinj janë zakonisht zgjidhja më e sigurt.

Jo, kur gazi mblidhet më parë në njësinë e jashtme. Mund të nevojitet vetëm shtesë kur linja e re është më e gjatë.

Kur kabllot janë të vjetra, siguresat hidhen shpesh, prizat ngrohen ose shtëpia po rikonstruktohet. Rikonstruksioni është momenti më i mirë, sepse kabllot kalojnë në mur para suvasë.

Shpesh po: një pjesë e kabllove kalon nëpër tubacionet ekzistuese ose në kanalina të jashtme. Pasi e shohim instalimin, ju themi çfarë mund të ruhet dhe çfarë duhet ndërruar.

Është mbrojtja diferenciale: e ndërpret rrymën kur një pjesë e saj rrjedh drejt tokës, për shembull përmes një pajisjeje me defekt ose përmes trupit të njeriut. Është mbrojtja kryesore nga goditja elektrike.

Që në një defekt ose riparim të dini menjëherë cilën siguresë të fikni, pa e lënë gjithë shtëpinë pa rrymë.

Po, me kanalina të jashtme që vendosen në mur pa thyerje. Nëse muri do të suvatohet ose lyhet, prizat mund të futen edhe brenda tij.

Varet nga pajisjet që do të përdoren, jo vetëm nga numri i prizave. Pajisjet me fuqi të madhe kanë nevojë për qark të vetin.

Shkaqet kryesore janë shumë pajisje në të njëjtin qark, një qark i shkurtër ose një rrjedhje që e kap salvavita. Mos e ngrini siguresën vazhdimisht: shkëputni pajisjet dhe na kontaktoni.

Fikni siguresën e atij qarku dhe mos e përdorni prizën. Era e djegies ose ngjyra e nxirë tregon mbinxehje, që duhet kontrolluar sa më shpejt.