Standardet e montimit

Standardet tona të montimit

Një kondicioner mund të ndizet edhe kur montohet keq. Ndryshimi duket pas një, dy ose pesë vitesh: në konsum, në zhurmë dhe në defekte. Këto janë hapat që nuk i anashkalojmë.

Vakumim i plotë i linjës me pompë vakumi
Pse ka rëndësi
Para se të hapet gazi, nga tubat nxirret ajri dhe lagështia me pompë vakumi, jo duke i "pastruar me gaz". Lagështia që mbetet në linjë dëmton vajin dhe kompresorin me kalimin e kohës.
Test presioni me azot
Pse ka rëndësi
Linja mbushet me azot nën presion dhe kontrollohet që presioni të mos bjerë. Kështu rrjedhjet gjenden para se të hyjë gazi, jo pas disa javësh kur aparati nuk ftoh më.
Saldim me azot
Pse ka rëndësi
Gjatë saldimit kalon azot brenda tubit, që bakri të mos oksidohet nga brenda. Përndryshe ashklat e oksidit qarkullojnë në sistem dhe bllokojnë valvulat dhe filtrat.
Tuba bakri me trashësinë e duhur dhe izolim cilësor
Pse ka rëndësi
Diametri dhe trashësia e tubave zgjidhen sipas aparatit dhe gjatësisë së linjës. Izolimi i plotë ruan efikasitetin dhe parandalon kondensimin brenda mureve.
Pjerrësia e duhur e tubit të kondensatës
Pse ka rëndësi
Tubi i ujit montohet me rënie të vazhdueshme, pa ulje-ngritje. Kjo është arsyeja më e shpeshtë pse një kondicioner pikon brenda në shtëpi.
Mbajtëse antivibrim dhe pozicionim i saktë i njësisë së jashtme
Pse ka rëndësi
Njësia e jashtme vendoset në nivel, me hapësirë për ajrim dhe me tampona antivibrim. Më pak zhurmë për ju dhe fqinjët, dhe më pak sforcim mbi tubat.
Kabllo dhe siguresë sipas fuqisë së aparatit
Pse ka rëndësi
Seksioni i kabllos dhe siguresa zgjidhen sipas rrymës së aparatit, jo sipas asaj që gjendet në shtëpi. Kjo shmang mbinxehjen dhe ndërprerjet.
Testim final me matje dhe dorëzim me shpjegime
Pse ka rëndësi
Në fund maten presionet, temperaturat dhe rryma, dhe krahasohen me vlerat e prodhuesit. Ju shpjegojmë përdorimin, pastrimin e filtrave dhe kur duhet thirrur ustai.