06xxxxxxxxx
Kalkulatori BTU

Si të zgjidhni kondicionerin

Llogaritni fuqinë e nevojshme për ambientin tuaj, pastaj krahasoni llojet e sistemeve. Ustai e konfirmon zgjedhjen në vend.

Sa BTU ju duhen?

Plotësoni të dhënat e ambientit: rezultati përditësohet menjëherë. Llogaritja supozon që aparati përdoret edhe për verë edhe për dimër.

Nëse qyteti juaj nuk është në listë, zgjidhni më të afërtin me klimë të ngjashme.
5–200 m²
Sa mure të jashtme ka ambienti
Muret që kanë jashtë rrugën ose oborrin, jo apartamentin fqinj.

Madhësia e rekomanduar

9000 BTU

Vera (ftohje)
~5400 BTU
Dimri (ngrohje)
~2300 BTU

Madhësia mbulon të dy sezonet; e përcakton vera.

Kushtet e llogaritjes

  • Dimri deri −3,4 °C, vera deri 35,5 °C
  • 1 mur i jashtëm

Vlerë orientuese: nxehtësia që hyn në ditën më të nxehtë dhe që del në natën më të ftohtë të qytetit tuaj (të dhënat klimatike ASHRAE). Llogaritja merr ambientin e zakonshëm: kat i ndërmjetëm, mure pa termokapot, dritare dopio 1/8 e dyshemesë dhe 2 persona. Në katin e fundit, përdhe ose me dritare të vjetra nevoja është më e madhe. Ustai e konfirmon pasi sheh ambientin.

Llojet e sistemeve

Split, multi-split apo VRF?

  • Split

    Kur ia vlen

    Një ose dy ambiente, kur secili ka mur të jashtëm afër.

    Avantazhet

    • Zgjidhja më ekonomike për një ambient
    • Montim i shpejtë
    • I pavarur nga aparatet e tjera

    Kufizimet

    • Një njësi e jashtme për çdo aparat
    • Njësia e brendshme duket në mur
    Më shumë

  • Multi-split

    Kur ia vlen

    Apartamente dhe vila me 2–5 ambiente, kur fasada ka pak vend.

    Avantazhet

    • Një njësi e jashtme për disa ambiente
    • Fasadë më e pastër
    • Kontroll i veçantë për çdo dhomë

    Kufizimet

    • Nëse njësia e jashtme ndalet, ndalen të gjitha kokat
    • Kërkon planifikim të linjave që në fillim
    Më shumë

  • VRF/VRV

    Kur ia vlen

    Hotele, zyra dhe ndërtesa me shumë ambiente që punojnë çdo ditë.

    Avantazhet

    • Shumë njësi të brendshme në një sistem
    • Fuqia rregullohet sipas nevojës së çdo ambienti
    • Kontroll qendror

    Kufizimet

    • Investim fillestar më i lartë
    • Kërkon projektim dhe montim të specializuar
    Më shumë
Para se të blini

Çfarë tjetër ka rëndësi

Inverter apo jo-inverter

Aparati inverter e rregullon fuqinë në vend që të ndizet e fiket vazhdimisht. Mban temperaturë më të qëndrueshme, bën më pak zhurmë dhe zakonisht harxhon më pak energji, sidomos kur punon shumë orë në ditë.

Klasa e energjisë

Etiketa e energjisë tregon efikasitetin në ftohje (SEER) dhe në ngrohje (SCOP). Sa më të larta këto vlera, aq më pak harxhon aparati për të njëjtën punë. Krahasoni vlerat, jo vetëm shkronjën e klasës.

Niveli i zhurmës

Për dhomat e gjumit shikoni zhurmën e njësisë së brendshme në shpejtësinë më të ulët (dB). Edhe montimi ka rëndësi: njësia e jashtme me tampona antivibrim dhe tuba të fiksuar mirë është më e qetë.

Ngrohja në dimër

Nëse do ta përdorni edhe për ngrohje, shikoni fuqinë dhe efikasitetin në temperatura të ulëta jashtë. Në zona të ftohta ka rëndësi modeli; ustai ju këshillon sipas zonës ku jetoni.

Kontaktoni për të marrë çmimin

Ustai vjen, mat ambientin dhe ju thotë cili sistem dhe sa BTU ju duhen.

Telefono