Sa shpesh duhet pastruar kondicioneri?

Pastrimi nuk është vetëm çështje higjiene. Një aparat i pastër ftoh dhe ngroh më shpejt, harxhon më pak energji dhe zgjat më shumë.

Çfarë pastroni vetë

Filtrat e njësisë së brendshme, çdo disa javë kur aparati punon shpesh. Hapni kapakun e përparmë, nxirrni filtrat, lajini me ujë të vakët (pa detergjent të fortë) dhe lërini të thahen plotësisht para se t’i vendosni. Mos e ndizni aparatin pa filtra.

Çfarë pastron ustai

Të paktën një herë në vit, mirë është para sezonit të verës:

• bateria e njësisë së brendshme dhe ventilatori cilindrik, ku mblidhet myku që shkakton erën e keqe;
• tabakaja dhe tubi i kondensatës, që aparati të mos pikojë;
• njësia e jashtme, që të nxjerrë nxehtësinë pa pengesë;
• kontrolli i lidhjeve elektrike dhe matja e presioneve.

Në restorante, dyqane me pluhur ose ambiente ku aparati punon gjithë ditën, pastrimi i plotë duhet më shpesh.

Shenjat që aparati ka nevojë për pastrim

• erë e rëndë ose myk kur ndizet;
• ajër më i dobët se zakonisht;
• pika uji nga njësia e brendshme;
• zhurmë më e lartë nga ventilatori.

Spërkatësit "pastrues" që shiten në dyqan nuk e zëvendësojnë pastrimin e plotë: e lagin baterinë, por papastërtia mbetet te ventilatori dhe te kondensata.